ققه تموت ضحك(خياليه)

بسم الله الرحمن الرحيم
أنا قريت قصه رائعه مضحكه في أحد المواقع
القصه تموت ضحك فحبيت أنقلها بدون تصرف زي ما هي
القصه مكتوبه باللهجه العاميه وشكلها اللهجه القصيميه
فأحب أوضح بعض المعاني اللي قد تخفى على بعضكم
مثل كلمة " زبيريه " هي نوع من الاحذيه الرجاليه
واللي مايعرف كلمه يقلي اترجمها
الان أترككم مع القصه






انتي ورده يا سوير..
وردتن بيضاء..
قلبك احلى بل واغلى
من كل الطعسات..

هذه قصة فتاه من الريف البراني.. دخلت المجلس بهدوء على غير عادتها ووضعت خدا على يد وفقت فمها على مشراعيه قصدي مصراعيه ( يعني مشرعته) ومرت الدقائق والنص ساعات وهي تلاعب ابن ذبيبينه بلسانها..
لمحت امها نظرات الحزن والاسى على وجه عنزتها وقالت لها :
سوير .... سوير وصمخ
وقبل ان ترد سوير بادرتها امها الحنون ببياله خبطت جبهتها حتى طبعت على جبهتها ذلك الشعار الذي يستانس عليه السمار ( بادريق)
سوير:
يمه ابي اعرس
ام سوير:
توظفي اول بعدين اعرسي.
سوير:
يمه تراني ابي اعرس ومصمله وان ما عرستوني تراني بنحرف.
ام سوير:
انحرفي
سوير:
ترى بتتن
ام سوير:
تتني
سوير:
ترى بستقعد لعيال الحاره في الظهريه واغازلهم.
ام سوير:
وش دخلني فيتس.
سوير:
يماااااااااااااااااااااااااااااااااااااااه . تراني مانيب ناقصه.
ام سوير:
اها وش تبين؟
سوير:
يمه ذكر لي واحدن في مصده يقولون انه مزيون وابيكم تخطبونه لي.
ام سوير:
وش يقال لهم؟
سوير:
يقال لهم الجباهي.
ام سوير:
تدرين عنه عاد هو يصلي _ متوظف _ اخلاق .
سوير:
ايه يمه يمدحونه
ام سوير:
اجل باتسر العصر بمر خالتس ونروح.
وسوير من فرحتها تنط ذيك النطه وتتعلق بالمروحه وتقوم تدور وتنتفخ تنورتها الكلوش لين غدت تسنها فستان ذيك اللي تغني ( زهرتي يا زهرتي).
ثم نقزت بس الحمد الله ماجاها شي.
تدرون ليه؟
لا تتسرعون وتقولون لان تنورتها توظفت باراشوت!!!!
هذا لانها شاربه حليب السعوديه.
خخخخخخخخخخخخخخخخخخخخخخخخخ
( ياثقل دمتس_ كملي بس)
ويجي العصر وتكشخ سوير بالتنوره الحراء والبلوزه الخضراء والكعب الاحمر اللميع والشنطه الحمراء. وتحط روج احمر. واحمر خدود احمر . والظل يوم مالقت احمر حطت بنسفجي بعدين حطت معه شوي اصفر علشان يصير احمر. وفلت شعرها ولففت قصتها ( لووووووووووووووووووووول قديمه)
وراحت لم امها
طق طع طق طع طق طع طق طع طق طع طق طع طق طع طق طع طق طع طق طع
هذي هي مرة خطوه ومره خبطه على وجهها لانها ما تعودت على الكعب.
ويوم شافتها امها خمتها وقامت تبتسي وتقول يا حلوتس الله لا يضرتس يا جعل هالصبي من نصيبتس.
وتمعط بنتها من كشتها وتنطلها في السياره وتركب الام وتدعس.
تصدقون ان ام سوير يوم شغلت راشد بدال ما يقول اشقر على اشقر قال احمر على احمر من حلاة سوير ( لووووووووووول)
وتدعس لين وصلوا بيت ام نوير. وتو ام سوير بتظرب البوري الا ام نوير راكبتن وماطختن خشم سوير لي قام يقطر ومير تنطل سوير ورى وتركب قدام.
ويقومون ام سوير وام نوير يسولفون ذيك السوالف اللي انتم خابرين ويتذكرون ايام اول يوم انهم توهم معاريس. وسوير مستحيه ووجهها غادين تسنه طماطه معدي استواءها حتى انعكس لون التنوره على وجهها وغدت تسنها لاطتن وجهها كله بالروج.
ومير ينتبهون لها امها وخالتها ويظحكون عليها ويقولون اجل وشلون بتعرسين وانتي تسذا خليتس حرمه. انا اول ما استحينا وبيضنا وجيه اهلنا وحتسينا واطلقنا الوجه وقزينا قز.
ترى انتي الخسرانه لين استحيتي.
وتخبرون عاد طريق مصده طويل. وام سوير وام نوير استانسوا على ذيك السوالف. تخبرون الكبار يموتون في قلة الحياء فرحانين لان عندهم خبره.
وسوير المسيكينه داخت من كثر ما سمعت ومعاد جمعت ونامت ( ياختي على البراءه) وهي حاطتن رجليها على الدريشه وهذا هو السبب في ان السيارات لي مروا من عندهم كانوا يوقفون شوي لان بزرانهم يقومون ياشرون ويناقزون يحسبون مواطي رجليها بزارين توم. الا سيارتن وحده كانت تسوقها عجوز شوفها شجر حسبت الرجلين احد يكش عليها فكشت وقالت هاااااااااااااااااه بعد ودعست مسرعه.
ووصلوا مصده وتزعق ام سوير:
سويرووووووووووووووووه قومي.
ونطت المسيكينه وقالت :
وينه... يا قلبيه ... يا حلوه.............. ( شكلها صاحيه من حلم وردي )
وما درت الا بخبطة حنونه على خشمها وصوت خالتها الدافي يزعق ويقول اغسلي وجهتس لا تفشليننا عند الناس.
وتدور سوير شي تغسل فيه ومالقت. فلحست سبابتيها وشغلتهم على الهزاز وقامت تسوي مساج لعينيها حتى تقتلع الغمص الذي كان متناغما بلونه الاصفر مع الظل البنسفجي.
وما ان فتحت عييناتها حتى رات منزل بعير احلامها ببابه الاخضر وقد تجملت جدرانه بحلتن شخبوطيه رائعه. كلها غزل ورقه. منها هذا البيت الذي علق بذاكرتها:
ياليتني نخرور في خشم حبيبي ****** والله ما اطلع ولو كثرت معاطيسه.
.


نكمل بعد ما أستريح شوي

وينزلون الجماعه وتتقدمهم ام سوير وفي يدها حصاة قامت تخبط بهاعلى الباب الاخضر المتقشر الذي امتلأ بالخروق.
فاغتنمت الحرمتان هذه الفرصه وزاولتا هوايتهما في التقزقز والتميلح علهما يشهدان ابو صنيتان او احد عياله. :
وعلى حين غفله سمعوا صوت حرمتن تصايح : من عنداه
فزعقت ام سوير: ام سوير.
وفتح الباب ودخلوا الجماعه الذين ذهلوا من كثر ما شافوا من كرم وترحيب وجبهات ذات مساحات شاسعه وقعدوا في صدر المجلس. وسوير مقطعها الحياء وتنافظ تسنها مشبوكتن بكهرب. :
وابتدأت ام سوير الحديث:
انا سمعنا عنكم يا ام صنيتان علومن طيبه وانا جينا طالبين القرب منكم ونبي نخطب ولدكم لبنتنا سوير.
فصنجت ام صنيتان برهتن وهي مبحلقتن في فنجالها قائلتن:
وبنتكم وش تشتغل؟
عندها ارتبكت ام سوير وتمتمت "الله ياخذتس ياسوير اجل احد يروح يتزوج وهو ما توظف" :
فانقذت سوير الموقف بأن قالت :
انا اشتغل في التنقيب " مراقبه"
وعندها قالت ام صنيتان:
ماشا اللـه ::
ونغزت ام سوير بنتها وقالت وهي ضايقه تسذبين على خلق الله :
قالت سوير:
يمه انا وش شغلي في البيت غير اني اراقبكم وانقب خشمي. ما تسذبت على احد.
يمه قولي ان ودنا اننا نشوف الولد_(شين وقوي عين)
ام سوير:
يا ام صنيتان ترانا نبي نشوف الولد قبل لا يصيرأي شي.
ام صنيتان:
اول بنسال الولد بعدين نرد.
وغابت ام صنيتان برهتن ثم عودت وابتسامتها تسلم على كل اذنيها وتقول مساء الخير :
قالت ام صنيتان:
الولد موافق بس بشرط انه يبي بيت لحاله.
ردت سوير: يبشر.
وتقبصها امها : وجعن يوجعتس وش يبشر :
سوير:
يمه اهم شي نضمن الولد وبعدين يحلها حلال.
سوير:
يا ام صنيتان ترى ودي اشوف ولدتس.
ام صنيتان:
انا من عوايدنا اننا ما نطلع عيالنا.
ام سوير:
يا بنت الحلال اجل الزين لي جاتس ولدتس مطلق علشانه ما اعجب زوجته.
ام صنيتان وقد تعفس وجهها : :
اجل تعالي يا سوير للمجلس الثاني.
وتقعد سوير في المجلس لحالها وترتبك وتحاول تسوي نفسها هاديه وعادي. مره تحط رجل على رجل وتهز رجلها ثم تنتبه للحركه وتنزلها ثم تسهى وتعيد الحركه.
ومادرت الا ويدخل عليها صنيتان بثوبه المنيل وغترته المنشيه اللي تقول تسنها مظله شينكو من كثر النشاء. وهو منزل راسه من زود الحيا .ويدخل بشويش .
وتقول له امه ارفع راسك خلها تشوفك.
ويجلس على طرف الكنب.
وسوير تقزقز وهي تقول:
وع كله جبهه.
يا حليله منعم ومحدد السكسوكه
الزين زين لوه ما سبح من سنتين**والشين شين ولو تمرخ بفازلين.
ليته يرفع عيونه اخاف انه احول.
يا كبر جبهته كبرااه اخاف انه اصقعن بس.
الله ياخذ ذا الغتره مغطيه نص وجهه. ::
وتحاتسيه سوير:
هييه ... كيف الحال؟
وهو يا عميري مستحي ما رد.
سوير:
هييه اقول.. وش تشجع؟
لا تكون نصراوي ثم ارقمك بنعلتي على جبهتك.
والمسيكين خاف وقامت دميعاته تقاطر. وتحولت مساحات جبهته اللي كانت تسنها ارض خلا الى مدرجات.
وابتلشت سوير ورأت انها من اللازم ان ترفع معنويات الولد شوي علشان تصلح اللي خرب.
سوير:
احلى يا مدرجات انتا يا خطير.... اغدي كوره منسمه عند كراعين احمد جميل.
يا حلو يا اسمر يا ابو جبهه.. يا بو غترتن غاصتن بنشا... يابو سكسوكه تسنها قد ابو ذبيحه اللي قبل الزيدي حق مطبخ ابو مرتضى يسوط فيه..
اظحك..اظحك تئبرني...يااا
وعلى دخلة ام صنيتان ينعفس وجه سوير . وصنيتان راح ملح.
وتنط سوير وتحب راس ام صنيتان ومير تمعطها ام صنيتان وتجرها للمجلس الثاني.
ام سوير:
هاه عساه صلح لتس.
سوير:
وعععع كله جبهه.
ام سوير:
الزبدة...هاه.
سوير:
يمه وع مابيه. وش اعرس على جبهه. لي بغيت اغزله اقول له يابو جبهه.
ام سوير:
الله ياخذ بليستس بلا. مدربيتنا من ذيك الديرة على مالا وشنا علشان تقولين وع.
وع عليتس انتي. وين اللي تقولين زين ويمدحونه. وش نقول للحرمه الله يفشلتس.
ام صنيتان:
هاه وش قلتوا.
سوير:
عليه العوض ومنو العوض... مالكم حظ فيني.
ام سوير:
والله ولدكم ما صلح لبنتنا.
ام صنيتان:
:<<< وقد غدا وجهها تسذا
:<<<ثم غدا وجهها تسذا
وشوو. عقب ما شفتوه وقاعده سوير لها ساعه تتغزل فيه. يازليلت الحيا. قوم انه ما صلح لتس وش هو له الحتسي الماصل.
ام سوير:
يوم شافت الدعوى خربانه
من زينكم وزين ولدكم يوم تغازله. كله جبهه لي شافها الواحد قال مخطط استراحات مابعد قطعت.
يالله قوموا مالنا قعادن عند ذولا. يالله لك الحمد والشكر.
وخرجوا بعد ان لختهم ام صنيتان كم من لخه بعسيبن كان في يدها.
وبينما هم خروج( يعني طلعوا او خلصوا) وهم سيركبون سيارتهم لمحت سوير طلتن بهيه يقول له القمر في عز القايله تعال الله ياخذك وقف محلي حارس لين ارجع.
فغمزت سوير ومادرت الا بزبيريه ماشيه مليوووون وخابطه في خشتها وغدت تسنها مقفى مسحات.
وسقطت سوير مغشين عليها ومير يقومون خالتها وامها يصايحون.

انا مين؟...... انا فين؟
اسئله تدور وتلعب فتاحي ياورده في دمجة سوير..
وتقوم امها تسمي عليها ثم تفلت تفلتن كبيرتن صفراء مخضره في وجه ابنتها الدايخه ثم سوت لها اسعافات اوليه بأن صمخت راس جنينتها من ورى حتى يطلع الخشم من قدام وتقدر تتنفس.
سوير:
اين هي الزبيريه اللي صفقت خشتي؟
امها:
وش تبين بها؟
سوير:
بس ابيها.. كذا ... مزاااج.
ويسرون الجماعه لبيتهم بعد ان خمت سوير الزبيريه. وبينما هم في الطريق سألت سوير:
امي... ذولا الجباهي ماقالوا ان عندهم ولدن غير صنيتان؟
ام سوير وقد تحمر وجهها:
اقول اصطفلي ( يعني انطمي لغير الناطقين بالسوريه)
مابقى الا هي. تبين تعودين بنا يم ذوليكااااا.
سوير:
يمه انا شفته...
ام سوير:
منهو؟
سوير:
المزيون.. اللي يقول للقمر دعني ( تسمع بالكلمه اللي تقول لخويها دعني)
يمه يهبل ويوم غمزت له رقعني بزبيريته.
يماااه... واللي يرحم والديتس عودي لهم.
ام سوير:
لا
سوير:
الله يوفقتس.
ام سوير:
مافيه
سوير:
آخر كلام.
ام سوير:
ماناب معودين.
سوير:
جعلتس تموتين.
ام سوير:
هااه :
سوير:
اقول جعلتي تعرسين. ::
وارتبكت ام سوير واستحت وقامت عرقانها تصبب حتى الدركسون قام يزولق من يدها لين ديورت السيارة وعودت الى مضارب بني مصدة.
ويوم جوا عند البابقعدت سوير كذا زي اللي في الافلام لي قالوا وجثا على ركبته ورفعت راسها يم السطح وهي تقول:
سارعييييي
للعرس يا سوير
ومجدي لخالق السماااااااااااء
واصمخي الباب الاخضر
وعلقي على الجرس الاغبر
ورددي الله اكبر
يا طعستي


وتفتح لهم ام صنيتان وهي حمقانه
وتنط سوير وتحب راسها وتقول العذر والسموحه وتمطخ راسها مطختن هوجاء لين قامت عييناتها ترتج.
ولقطتها سوير وقامت توشوش كم كلمتن في اذن ام صنيتان.
بس الواضح انها قالت شي خطيير....وشو؟...مدري!!!! :
وتدخلهم ام صنيتان وترحب بهم وتطلع ام صنيتان هنيهه وتجيب ولدها صنيتان وتلبسه سوير الزبيريه وماش ما دخلت.
سوير:
انا قايلتن لكم انه مهوب صنيتان..اللي شفته يقول للقمر دعني.
ويدخل ابو صنيتان وتقوس عليه سوير وبرضوه ما قدت.. طلع اصبعه الصغير انتظار والكبير مالقى حجز.
ومير يزعل ابو صنيتان وتتحطم معنوياته ويقول صدق انكم ما عندكم ذوق.
ام صنيتان:
من زينك عاد... وحتى لو قدت يعني وش بيصير ... معرس.. خلاص راحت عليك :
ويحتارووووون منهي زبيريته
ام صنيتان:
انتي متاكده انها من بيتنا؟
سوير اييييييه.
حتى طل من السطح.
ام صنيتان:
السطح!!!!!
لا يكون شغالنا.
وتطير ام صنيتان يم شغالهم الا ندونيسي وتجيبه ويلبسونه الزبيريه وطلعت له.
سوير غدى وجهها تسذا>>>> :
والكل يطالعها.. اللي يتشمت.. واللي يظحك.. واللي راحمها علشان قلبها تحطم.
ومير تزعل وتطلع..
وهي تمشي دخل الكعب في جفرتن في الزفلت وتهبد على وجهها.
ويقول لها القمر:
سوير وش بتس؟
سوير:
دعني.. اقول لك دعنييي يا مال الصمرقع.
وتجلح سوير طايره وتتسلق اعلى بطحا وتوقف على القمه وتزاعق:
دعنييييييي
اقول لك دعنيييييي
دعنيييييييييي



<<<<<< قامت دميعاتي تقاطر
انا مثلكم ودي انها معرستن على صنيتان بس ما حصل النصيب :
__[/color
][/b]