غمـــــــــــــــــتز لي

رائعة من روائع الشاعر الاماراتي طارق المحياس أضعها بين أيديكم
وكلي أمل ان تحز على إعجابكم ,,

غمــز لي

غمز لي وقال لي محلو يا حظ اللـي يحبونـك
غريبه كيف ما يدري عن إحساسي وحبـي لـه
يقول لي كاشخ شعندك في قلبي قلـت لعيونـك
سرحت بعيد ونادانـي وأنـا والله فكـري لـه
سألني منهو محبوبك وقال لي شفتـه بعيونـك
فرحت وقلت له إحلف قـال أمزح..عزتـي لـه
حسبت إنه درا عني هقيتـه قـال لـي عونـك
طلع ما يدري شالموضوع وأنا ألمح وأنادي لـه
سألته قلت له بسألك..من اللي عايـش بكونـك
من اللي تحبه ويحبك من اللـي تسهـره ليلـه
بغيته يقول لي إنتـه بغيتـه يقـول مجنونـك
ولكـن قـال لـي محد..علـى نياتـه يحليلـه
ضحكت ضحكت تعاسه وقلت له يا حظ مضنونك...
وقال لي لا دخيلك ماني ناقـص هـم وأشيلـه...
قلت له شوف حولك يمكن تشوف اللي يحبونك...
تلفت.. قال لي محد.. وأنا اللي قاعد أشكي لـه...


--------------------------------------------------------------------------------